കവിതയെഴുതാൻ തുനിഞ്ഞപ്പോഴാണ്
വീതുളി കഴുത്തിൽ വന്നു വീണത്‌
അച്ഛനെക്കാൾ കേമനോ, മകൻ..?
ഒളിഞ്ഞും തെളിഞ്ഞുമുള്ള
നാട്ടാരുടെ വാക്കുകൾ
മറക്കുടക്കുള്ളിലെ ശില്പത്തെ
കല്ലിലേക്ക് ആവാഹിച്ച നിമിഷങ്ങൾ
മനസ്സിലിപ്പോഴും ജ്വലിച്ചു നില്ക്കുന്നു
ശില്പ്പം പണി തീർന്നാൽ
ശിൽപ്പി
വെറുമൊരു കാഴ്ചക്കാരൻ
അസ്പൃശൻ, കീഴാളൻ..!
കൈ വിറച്ചതും, വീതുളി-
കൃത്യം വീണു പതിച്ചതും
ശിരസ്സിനെ താങ്ങുന്ന
കഴുത്തിൽ തന്നെ...!
-ശശി കാട്ടൂർ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ