കേരള മുഖ്യമന്ത്രി, ബഹറിനിൽ വന്നു.. പുരസ്കാരം വാങ്ങി, ഒപ്പം ജ്ജ്വലമായ സ്വീകരണങ്ങളും, പ്രത്യേകിച്ച് ബഹ്‌റൈൻ സര്ക്കാരിന്റെ ആഥിത്യം.. ഒരു രാഷ്ട്ര തലവനു നല്കുന്ന അതെ പ്രൌഡിയോടെ...
കൊണ്ഗ്രെസ്സുക്കാരായ സുഹൃത്തുക്കളോട് പറയുവാനുള്ളത്, മറ്റൊരു പുസ്തകവും നിങ്ങൾ വായ്ചിട്ടില്ല എന്നിരുന്നാലും, കുറഞ്ഞത്‌ ഗാന്ധിജിയുടെ "എന്റെ സത്യാന്വേഷണ പരീക്ഷണങ്ങൾ" (അങ്ങിനെ ഒരു പുസ്തകം ഉണ്ട്) എങ്കിലും വായിച്ചിരിക്കണം., സേവനമാണ് നിങ്ങളുടെ ഉദ്ദേശമെങ്കിൽ.
തീര്ച്ചയായും സന്തോഷിക്കുന്നു. സന്തോഷിക്കാൻ ഞാൻ ഒരു കോണ്ഗ്രെസ്സുകാരനല്ല, (ഖദർ കുപ്പായത്തിന്റെ മഹിമ തൊട്ടു തീണ്ടിയിട്ടില്ലാത്ത, കൊണ്ഗ്രെസ്സിനെ സ്വ-കാര്യങ്ങള്ക്കായി കൊണ്ട് നടക്കുന്ന ഇന്നത്തെ കൊണ്ഗ്രെസ്സുകാരോടോ അവരുടെ പ്രവര്ത്തനങ്ങളോടോ, അനുഭവത്തിന്റെയും അറിവിന്റെയും വെളിച്ചത്തിൽ ഒരു ബഹുമാനവും എനിക്ക് ഇല്ല).എങ്കിലോ, പ്രവാസികളായവരുടെ വരുമാനത്താൽ താങ്ങി നിർത്തപ്പെട്ട ഒരു സംസ്ഥാനത്തിന്റെ ഭരണാധികാരിക്ക്, പ്രവാസ ലോകത്ത് , ഇവിടുത്തെ ഭരണാധികാരികളാൽ നല്കപ്പെട്ട ആദരവിന്... നാടും വീടും വിട്ടു ഈ രാജ്യത്തിന്റെ ഉയര്ച്ചക്ക് വേണ്ടി വിയര്പ്പോഴുക്കുന്ന തൊഴിലാളികളെയാണ്, അവരോടുള്ള അനുഭാവമാണ് ഇവിടുത്തെ ഭരണകൂടം ഇതിലൂടെ പ്രകടിപ്പിച്ചത് എന്ന ചിന്ത ഉളവായത്കൊണ്ട്..അതുകൊണ്ടുള്ള സന്തോഷം...!!
ഇവിടെ എഫ് ബിയിലൂടെയും മറ്റും കൊണ്ഗ്രെസ്സുകാരെന്നു പറഞ്ഞു ഖദർ ഇടുന്നവരും, ഇടാത്തവരുമായ സുഹൃത്തുക്കളുടെ അതിരറ്റ സന്തോഷം കാണുമ്പോൾ യഥാർത്തത്തിൽ കുരുടൻ ആനയെ കണ്ട കഥയാണ് ഓര്മ്മ വരുന്നത്..പൊതുവെ ഇരുട്ട് കൊണ്ട് ഓട്ട അടക്കുക എന്നുള്ളതാണല്ലോ ഇവരുടെ ബുദ്ധി.
സാദാരണക്കാരനെ സംബന്ധിച്ച് കേരളത്തിൽ ഇന്ന് നടന്നു കൊണ്ടിരിക്കുന്ന എന്ത് പ്രവര്ത്തികളിലാണ് അഭിമാനിക്കാൻ വകയുള്ളത്‌...?
രാജ്യത്തിന്റെ അടിസ്ഥാനപരമായ സാമ്പത്തീക മേഖലകളെ തകര്ത്തുകൊണ്ടുള്ള വികസന പദ്ധതികൾ ഒരു പക്ഷം മുതലാളിമാരെ മാത്രം ലക്‌ഷ്യം വെക്കുന്നു. അരിയില്ല, പച്ചക്കറികളില്ല എന്ന് വേണ്ട മലയാളിയുടെ ഒരു ദിവസം കഴിയണമെങ്കിൽ തമിഴന്റെ വണ്ടി വന്നെത്തണം...ശരിയായ കാഴ്ച്ചപാടില്ലാത്ത വികസനത്തിന്റെ ഫലമായി വെള്ളം കെട്ടികിടന്നും മറ്റും പക്ര്ച്ച് വ്യാധികളുടെ ആഘോഷം, വേനലായാൽ കുടിവെള്ളമില്ല, കറന്റില്ല ഇങ്ങിനെ പോകുന്നു സംസ്ഥാനത്തിന്റെ യഥാര്ത്ത അവസ്ഥകൾ ...ഭരണത്തിന്റെ ധാര്മികതയെ ചോദ്യം ചെയ്യുകയോ, എഴുതുകയോ ചെയ്‌താൽ അവനെതിരെ കേസ്സെടുക്കുന്ന പുത്തൻ വ്യവസ്ഥകൾ ..സാമുദായിക പ്രീണനം, അഴിമതി, പരസ്ത്രീ ഗമനം ഇതൊക്കെയായിരിക്കുന്നു ഭരണകൂടത്തിന്റെ മുഖമുദ്രകൾ...
പൊതു ജനത്തിന്റെ നികുതിയിനത്താലും, പ്രവാസികളുടെ വിയർപ്പാലും സ്വരൂപിച്ചെടുത്ത പണം കൊണ്ട് കേരളത്തിന്റെ തെക്ക് നിന്ന് വടക്കോട്ട്‌ യാത്ര ചെയ്തു, ജനങ്ങൾക്ക്‌ ആശ്വാസം കണ്ടെത്തുവാൻ തുനിഞ്ഞ നമ്മുടെ മുഖ്യമന്ത്രിയെ ശ്ലാഘിക്കെണ്ടിയിരിക്കുന്നു..!!
പക്ഷെ, അതിനു നമ്മൾ ഇത്ര ആഹ്ലാദപ്പെടെണ്ടാതായുണ്ടോ...പ്രത്യേകിച്ചും മേല്പ്പറഞ്ഞ സംഗതികളുമായി തട്ടിച്ചു നോക്കുമ്പോൾ..?
കക്ഷികൾ ഏതുമാകട്ടെ, ജനങ്ങളാൽ തിരഞ്ഞെടുക്കപ്പെട്ട, ജനങ്ങളുടെയും രാഷ്ട്രത്തിന്റെയും പുരോഗതിക്കു വേണ്ടി പ്രയത്നിക്കുവാൻ നിയോഗിക്കപ്പെട്ട ജനങ്ങളുടെ ഒരു പ്രതിനിതി (ജനസേവകർ) മാത്രമാണ് ജനാധിപത്ത്യ രാജ്യത്ത് ഭരണാധികാരികൾ. അങ്ങിനെ തിരഞ്ഞെടുക്കപ്പെട്ട ജനപ്രതിനിതികൾ സ്വന്തം ജനതയുടെ ക്ഷേമം ഉറപ്പു വരുത്തുവാൻ ബാധ്യസ്ഥരാണ്.
പുരസ്കാരങ്ങളും ബഹുമതികളും എറ്റു വാങ്ങുമ്പോൾ തന്നെ തന്റെ കര്തവ്യ നിർവഹണത്തിൽ വന്നു ഭവിച്ചിട്ടുള്ള വീഴ്ചകളെ കൂടി വിലയിരുത്തുവാനും ശ്രദ്ധിക്കേണ്ടിയിരിക്കുന്നു. തന്റെ കര്മ്മ മണ്ടല ത്തോട് ആത്മാർത്ഥത എന്ന ഒന്നുണ്ടെങ്കിൽ ആ വീഴ്ച്ചകൾക്കുള്ള പരിഹാരം, സ്ഥാന പരിത്യാഗം എന്നതാണെങ്കിൽ അത് ചെയ്യുവാൻ തായ്യാറാകേണ്ടിയിരിക്കുന്നു. എങ്കിൽ മാത്രമേ, തിരഞ്ഞെടുത്തു വിജയിപ്പിക്കുന്നവന്റെ സ്വപ്നങ്ങളും ലക്ഷ്യങ്ങളും അവകാശങ്ങളും നിറവേറ്റപ്പെടൂ.
കൊണ്ഗ്രെസ്സുക്കാരായ സുഹൃത്തുക്കളോട് പറയുവാനുള്ളത്, മറ്റൊരു പുസ്തകവും നിങ്ങൾ വായ്ചിട്ടില്ല എന്നിരുന്നാലും, കുറഞ്ഞത്‌ ഗാന്ധിജിയുടെ "എന്റെ സത്യാന്വേഷണ പരീക്ഷണങ്ങൾ" (അങ്ങിനെ ഒരു പുസ്തകം ഉണ്ട്) എങ്കിലും വായിച്ചിരിക്കണം., സേവനമാണ് നിങ്ങളുടെ ഉദ്ദേശമെങ്കിൽ.
