വാൿലോകം
പട്ടു പോയൊരു വസന്തത്തെ നെയ്‌തെടുക്കുവാൻ നിന്നോട് ഞാൻ ചോദിച്ചത്
ഒരു വാക്കിന്റെ
കനല് മാത്രം.
എന്നിൽ നിന്നും ഇറങ്ങിപ്പോകുമ്പോൾ കെട്ടിപ്പൂട്ടി കൊണ്ടുപോയ
വാക്കുകളിൽ നിന്ന് ഒന്നെങ്കിലും
എനിക്ക് നീ തിരിച്ചു തരിക.
കാറ്റും മഴയും കൊള്ളാതെ
ആകാശവും ഭൂമിയും കാണാതെ
ഞാനതിനെ കാത്തുവെക്കാം.
കാലങ്ങൾക്കപ്പുറം, അത്
പെറ്റു പെറ്റു
പെറ്റു പെറ്റു
കാടും മേടും നിറഞ്ഞ
വാക്മലകൾ ഉണ്ടായെങ്കിലോ ....
അതിലവിടവിടെ,
അവിടവിടെ
കിളികളും ശലഭങ്ങളും
കൂടു വെച്ചെങ്കിലോ ...
മാനും മയിലും
കുരങ്ങനും
സിംഹങ്ങളും
ആടിപ്പാടി, ചാടിക്കേറി ഓടിയോടി കളിച്ചു രസിച്ചെങ്കിലോ ...
ചോപ്പും മഞ്ഞയും വെള്ളയും നീലയും ഇടകലർന്നു
കലർന്നുള്ള പൂക്കൾ , പുതിയൊരു ലോകം തീർത്തു തന്നെങ്കിലോ.
- ശശി കാട്ടൂർ.
പട്ടു പോയൊരു വസന്തത്തെ നെയ്‌തെടുക്കുവാൻ നിന്നോട് ഞാൻ ചോദിച്ചത്
ഒരു വാക്കിന്റെ
കനല് മാത്രം.
എന്നിൽ നിന്നും ഇറങ്ങിപ്പോകുമ്പോൾ കെട്ടിപ്പൂട്ടി കൊണ്ടുപോയ
വാക്കുകളിൽ നിന്ന് ഒന്നെങ്കിലും
എനിക്ക് നീ തിരിച്ചു തരിക.
കാറ്റും മഴയും കൊള്ളാതെ
ആകാശവും ഭൂമിയും കാണാതെ
ഞാനതിനെ കാത്തുവെക്കാം.
കാലങ്ങൾക്കപ്പുറം, അത്
പെറ്റു പെറ്റു
പെറ്റു പെറ്റു
കാടും മേടും നിറഞ്ഞ
വാക്മലകൾ ഉണ്ടായെങ്കിലോ ....
അതിലവിടവിടെ,
അവിടവിടെ
കിളികളും ശലഭങ്ങളും
കൂടു വെച്ചെങ്കിലോ ...
മാനും മയിലും
കുരങ്ങനും
സിംഹങ്ങളും
ആടിപ്പാടി, ചാടിക്കേറി ഓടിയോടി കളിച്ചു രസിച്ചെങ്കിലോ ...
ചോപ്പും മഞ്ഞയും വെള്ളയും നീലയും ഇടകലർന്നു
കലർന്നുള്ള പൂക്കൾ , പുതിയൊരു ലോകം തീർത്തു തന്നെങ്കിലോ.
- ശശി കാട്ടൂർ.
