വിഷമവൃത്തം
നീ പൂക്കുന്ന കാട്ടിലേ-ക്കെനിക്കൊന്നു ചേക്കേറണം
കട്ട പിടിച്ച ഇരുളിനെ വകഞ്ഞു
നിന്റെ പാദങ്ങൾ ഉപേക്ഷിച്ചു പോയ
മണല്തരികളിലെ വിട്ടുപോകാത്ത ചുടുനിശ്വാസം മണത്തെടുത്തു
നീ തൊട്ടുഴിഞ്ഞ പുൽനാമ്പുകളുടെ മധുര
ഗന്ധം നുണഞ്ഞു
നീ കോരി കുടിച്ച കാട്ടരുവിയുടെ ദാഹത്തിലലിഞ്ഞു ചേർന്ന്
നിന്നുടലിന്റെ മൂർച്ചയിൽ മുറിപ്പെട്ടുപോയ
എന്റെ കാഴ്ചകൾ വീണ്ടെടുക്കുവാൻ എന്നിലുറഞ്ഞുപോയ സങ്കടത്തിന്റെ മഞ്ഞുപാളികളുടച് എനിക്കെന്നെ പുതുക്കിപ്പണിയുവാൻ
പുനർജ്ജനിയുടെ ഗുഹാമുഖങ്ങൾ നൂണ്ട്
നിന്നിലേക്ക്‌ എത്തേണ്ടതുണ്ട്.
നീ പൂക്കുന്ന കാട് തേടി , ദിക്കുകൾ മറന്നു , ദിശയറിയാതെ മറ്റൊരു ഭൂമിയാകുന്നു ഞാൻ.
- ശശി കാട്ടൂർ
നീ പൂക്കുന്ന കാട്ടിലേ-ക്കെനിക്കൊന്നു ചേക്കേറണം
കട്ട പിടിച്ച ഇരുളിനെ വകഞ്ഞു
നിന്റെ പാദങ്ങൾ ഉപേക്ഷിച്ചു പോയ
മണല്തരികളിലെ വിട്ടുപോകാത്ത ചുടുനിശ്വാസം മണത്തെടുത്തു
നീ തൊട്ടുഴിഞ്ഞ പുൽനാമ്പുകളുടെ മധുര
ഗന്ധം നുണഞ്ഞു
നീ കോരി കുടിച്ച കാട്ടരുവിയുടെ ദാഹത്തിലലിഞ്ഞു ചേർന്ന്
നിന്നുടലിന്റെ മൂർച്ചയിൽ മുറിപ്പെട്ടുപോയ
എന്റെ കാഴ്ചകൾ വീണ്ടെടുക്കുവാൻ എന്നിലുറഞ്ഞുപോയ സങ്കടത്തിന്റെ മഞ്ഞുപാളികളുടച് എനിക്കെന്നെ പുതുക്കിപ്പണിയുവാൻ
പുനർജ്ജനിയുടെ ഗുഹാമുഖങ്ങൾ നൂണ്ട്
നിന്നിലേക്ക്‌ എത്തേണ്ടതുണ്ട്.
നീ പൂക്കുന്ന കാട് തേടി , ദിക്കുകൾ മറന്നു , ദിശയറിയാതെ മറ്റൊരു ഭൂമിയാകുന്നു ഞാൻ.
- ശശി കാട്ടൂർ
