കറുപ്പ്

നിന്റെ വഴിയാണ് ശരിയെന്നു 

നീയും 

അവന്റെ വഴിയാണ് ശരിയെന്നു 

അവനും 

ചത്തൊടുങ്ങുന്നത് 

ആശയക്കുഴപ്പത്തിലായ 

മനുഷ്യരും  

കുടുംബവും,

കുലവും, 

രാഷ്ട്രവും.....

കൊന്ന് കൊന്ന് 

ചത്തു ചത്ത് 

നീയും അവനും ബാക്കിയാകുമ്പോൾ 

പരസ്പരം കൈ കൊടുത്ത് അട്ടഹസിക്കുന്നത് 

എനിക്കറിയാൻ കഴിയുന്നു..

വിളിച്ചു പറയണമെന്നുണ്ട് സത്യം 

പക്ഷേ,

അതിനു മുന്പേ 

മതത്തിന്റെ വെടിയേറ്റ്‌ തകർന്നില്ലേ 

പിറവിയിൽ നഗ്നമായിരുന്ന 

എന്റെ ഹൃദയം....!

-ശശി കാട്ടൂർ