നീ വരുന്നോ
മല കാണാൻ
ഉലകിന്റെ നേരറിയാൻ
നീ വരുന്നോ
പുഴ കാണാൻ
ഒഴുകുന്ന ജീവിതമറിയാൻ
നീ വരുന്നോ
മഴ കാണാൻ
മഴയുടെ കുളിർ ചൂടാൻ
നീ വരുന്നോ
പൂ പറിക്കാൻ
പൂവിന്റെ മണം നുകരാൻ
നീ വരുന്നോ
ഞാറു നടാൻ
ചേറിന്റെ കൂറാകാൻ
നീ വരുന്നോ
കതിർ കൊയ്യാൻ
ചതിയില്ലാ നിധി തേടാൻ
നീ വരുന്നോ
ചോദിക്കാൻ
ആധി,യെല്ലാമാറ്റീടാൻ
ഈ മണ്ണും ഈ വിണ്ണും
തീറെഴുതും നാളിൻ മുന്നേ...
നിന്നീടാം ഒന്നായി
നന്നായി വന്നീടാൻ
പോന്നീടുക ചങ്ങാതീ
പിന്നീടെന്നൊഴിയാതെ.
പോന്നീടുക പോന്നീടുക
പോന്നീടുക ചങ്ങാതീ.....
-ശശി കാട്ടൂർ
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ