കാട് കയറരുത്.

കാട് കാണാൻ പോയതായിരുന്നു 

മരങ്ങളുടെ പ്രണയവും മർമ്മരവും ആസ്വദിക്കാൻ  

കിളികളുടെ കൂകലും കുറുകലും കേൾക്കാൻ

ചെറു മൃഗങ്ങളുടെ താന്തോന്നിത്തം ആവാഹിക്കാൻ 

കാൽ സരായിയും ജൂബ്ബയുമായിരുന്നു വേഷം 

ക്യാമറയോടൊപ്പം, അത്യാവശ്യ സാധനങ്ങൾക്കായി 

പതിവുപോലൊരു 

തോൾസഞ്ചിയും..

നിങ്ങൾ ഉദ്ദേശിക്കുന്നയാൾ 

ഞാനേ-

യല്ലെന്ന് പറഞ്ഞിട്ടും,

അവരെന്നെ 

പിടിച്ചു കൊണ്ട് വന്നു 

ഇരുട്ടിലടച്ചു 

മാവോവാദി പോയിട്ട്, 

മനുഷ്യവാദി  പോലുമല്ലെന്ന്  

എങ്ങിനെയാണ്, 

ഭയത്താൽ 

കണ്ണും കാതുമടഞ്ഞുപോയ 

എന്റെ ഭരണകൂടമേ,  നിന്നെ 

ഞാൻ ബോദ്ധ്യപ്പെടുത്തേണ്ടത്...  !

-ശശി കാട്ടൂർ 

09.03.15