അന്ന്
അടഞ്ഞ വാതിലിനു പുറത്തു
സ്വര്‍ണ്ണം കെട്ടിയ ഊന്നുവടി
ഒരു ജോഡി മെതിയടി
ഒരു കിണ്ടി വെള്ളം.....
കെട്ടുപോകാതിരിക്കാന്‍
ഇടയ്ക്കിടെ
ചൂട്ടു വീശിയിരിക്കുന്ന
കാര്യസ്ഥന്‍,
എഴുതിക്കിട്ടേണ്ട നിലവും,
തെങ്ങിന്‍ പറമ്പും
മനസ്സില്‍ താലോലിക്കുന്ന
ഗൃഹനാഥന്‍ ... !
ഇന്ന്
മോഡിയേറിയ വീട്,
ക്ഷേത്ര സമിതിയിലെ വമ്പന്‍
വിലയേറിയ
വിദേശ നിര്മ്മിത കാറില്‍
സര്‍വ്വാഭരണ വിഭൂഷിതനായി
പാഞ്ഞു നടക്കുന്നു....
ഇരിപ്പുണ്ട്
ബസ്‌ സ്റ്റോപ്പില്‍..
പിന്നിയ
ശീലക്കുടയിലൂന്നി
മെതിയടിയില്ലാതെ,
മുഷിഞ്ഞ തുണിയോടെ
കുടുമ മുറിച്ച,
നരച്ച ഒരാള്‍. !
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ