കുതിക്കുന്നു മുന്നോട്ടു മുകളിലോട്ടു
പുതിയൊരു ലോകം നോക്കി,നോക്കി
അതിരുകളില്ലാ വിഹായസ്സിലോ
ചതിയില്ലാ, തടസ്സങ്ങളേതുമില്ല
പിന്നിലെക്കൊരു നോട്ടമില്ലാതെ
ആകാശനീലിമ കണ്ടു കണ്ടു.
കാറ്റിന്റെ ഗതിയെ ഗമിച്ചീടിലും
നീറ്റലൊന്നുണ്ടുള്ളില്‍ പിടഞ്ഞിടു
വന്നിടാ, മൊരു പിന്‍ വിളി നിനച്ചിടാ
തേതു നേരത്തും പൊടുന്നനെയങ്ങനെ
നിയന്താവിന്‍ കണ്ണും, കരങ്ങളും
വിടാതെ പിന്തുടരുന്ന വേളയില്‍
എത്രമേലുയര്‍ന്നു പറന്നീടിലും
അത്രമേലാഘാതം ഭവിച്ചിടാമോര്‍ക്കുക
ഉയരത്തിലെത്തുമ്പോളഹങ്കരിച്ചീടാ
ചരിക്കുക, ആയുസ്സൊടുങ്ങുംവരേയ്ക്കും
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ