ഊരിപ്പോരുക എന്നത്
ഏറെ ദുഷ്ക്കരമാണ്,
മാംസളമാണവ, അത്
നമ്മെ പ്രലോഭിപ്പിക്കും
വർണ്ണ വൈവിധ്യങ്ങളുടെ കാഴ്ചകൾ
കാട്ടിത്തരാമെന്ന്...
മനസ്സൊന്ന് തെന്നിയാൽ
തീർച്ചയാണ്
അത് നമ്മെ വീഴ്ത്തിക്കളയും
നെഞ്ചിനു നേരെ
കാഞ്ചി വലിക്കുന്നവനെക്കുറിച്ച്
നമ്മൾ മറക്കും
ശ്വസിക്കുന്ന വായുവിനെക്കുറിച്ചും
കുടിക്കുന്ന വെള്ളത്തെക്കുറിച്ചും
മറുത്തൊന്നും പറഞ്ഞെന്നു വരില്ല
സുഹൃത്തെ കരുതിയിരിക്കുക
നമുക്കിടയിലൂടെയുള്ള
അതിന്റെ സഞ്ചാരം.
-ശശി കാട്ടൂർ.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ