അക്ഷരങ്ങൾ

വരുന്നുണ്ട്,

പരിചാരകർ

നിരത്തി കിടത്തി  

ഓരോ വടിവിലും 

സൂക്ഷ്മ ദര്ശിനി കൊണ്ട് 

ഉറ്റു നോക്കുന്നവര് !

നഗ്നനായ രാജാവിന്റെ 

കറുത്ത ഭൂപടങ്ങൾ 

ശത്രുക്കൾ പോലും കാണരുതേ 

എന്നായിരുന്നു പ്രാര്ത്ഥന.

കേട്ടപാടെ 

കേള്ക്കാത്തപാടെ 

കൂറുള്ളവരോക്കെയും 

വാലാട്ടികൊണ്ട്

മണം പിടിച്ചെത്തി 

വരിവരിയായി നിറുത്തി 

ഹരിച്ചും, ഗുണിച്ചും നോക്കി 

"ഹരിയോ, ഹരി..."

ഭക്തി പൂണ്ടവർ 

ഐക്യത്തോടെ പറഞ്ഞു

"ഇവന്റെ വാലിൽ തീ കൊളുത്തുക..."

അഗ്നിയിൽ പടര്ന്നു കയറുമ്പോഴും 

ഭീരുക്കളുടെ ലോകം നോക്കി 

തലയിളക്കി ചിരിക്കുകയാണ് 

ക്ഷരമില്ലാത്തവൻ...!