നേര്മ്മയുള്ള ചൂടിന്റെ
അടിത്തട്ടിലേക്ക്....
"ഹൊ..!"
സോപ്പും തോര്ത്തുമെടുത്തു
അടുക്കളയിലേക്കു
തല നീട്ടി പറഞ്ഞു
ഞാനൊന്ന് കുളിച്ചിട്ടു വരാം
അല്ല, നിങ്ങളീ ലോകത്തൊന്നുമല്ലേ..?
മീനായ മീനെല്ലാം
ചത്തുപൊന്തീതും
തെളിഞ്ഞ വെള്ളം
കരഞ്ഞു കരഞ്ഞു
കറുത്തു പോയതും....
അറിഞ്ഞില്ലേ?
അറിയാഞ്ഞിട്ടല്ല,
നീണ്ട പ്രവാസത്തിന്റെ
ആറടി നീളമുള്ള ബാത് ടബ്ബില്‍
വിടുതലില്‍ നിന്നും
നാടിന്റെ നിറവിലേക്ക്
വന്നിറങ്ങിയവന്റെ
ഓരോരോ പൂതികള്‍ !
ആറടി നീളമുള്ള ബാത് ടബ്ബില്‍
വെള്ളം നിറച്ചു
മലര്ന്നു കിടക്കുമ്പോള്‍
ഇതില്‍ നീന്തി തുടിക്കാന്‍ മാത്രം
താനൊരു കുഞ്ഞായി,
കുഞ്ഞു ശരീരമായി
കുഞ്ഞു ശരീരമായി
മാറിയെങ്കിലെന്ന്
വെറുതെ,
വെറുതെ ഒരു പൂതി ...!
വെറുതെ ഒരു പൂതി ...!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ