കണക്ക്

പതിനായിരം രൂപ

വരുമാനമുള്ളയാൾ 

സ്ത്രീധന പണ്ടവും 

ബാങ്കിലെ ലോണുമായ്  

ലക്ഷങ്ങൾ വിലയുള്ള 

വീടൊന്നു തീർത്തു 

ആണ്ടുകൾ രണ്ടു 

തികയുന്നതിൻ മുന്പേ 

എത്തീ, 

കുറിക്കൂട്ടണിഞ്ഞവൻ കേമൻ

കെട്ടിടത്തി,ന്നിരിപ്പും, മരിപ്പും 

ചൊല്ലുന്നവൻ...  

പത്തുകാശുണ്ടാക്കാൻ 

പുത്തനാം ലാപ്പുമായ്...    

കടം തന്നെ കാര്യം, 

ചൊല്ലുന്നു ഗൃഹനാഥൻ

മേൽക്കുമേലേറി 

വരുന്നോരു ദുരിതം...

പുരയാകെയളന്നു കുറിക്കുമ്പോഴും 

പറഞ്ഞില്ല, നോട്ടക്കാരനവൻ 

വീട്ടുകാരനിൽ തെളിഞ്ഞു നില്ക്കുന്ന   

വരവു് ചിലവു കണക്കിലെ പിഴവുകൾ... 

അടുക്കള, 

പൊളിച്ചു മാറ്റിപ്പണിയാൻ 

അടുത്ത ലോണിനായ് നെട്ടോട്ടമോടുന്നു  

പതിനായിരം 

രൂപ വരുമാനമുള്ളയാൾ

അഞ്ചംഗ കുടുംബത്തെ 

പോറ്റി പുലരുന്നവൻ.

-ശശി കാട്ടൂർ.