വിടര്ന്നു നില്ക്കവേ
പൂവേ,
നീയെത്രമേൽ സുന്ദരീ...
സൂര്യ നയനങ്ങൾ,
നിന്, ദളങ്ങളിൽ പൂക്കവേ
പൂവേ..
നീയെത്രമേൽ ലജ്ജാവതീ...
പാറി വന്നെത്തും
ഭ്രമരത്തിൻ മൂളലിൽ
പൂവേ
നീയെത്രമേൽ വിജ്രുംബിത...
കൊള്ളരുതായ്മകളധർമ്മങ്ങളെ-
ന്നിവയാൽ നടുങ്ങും മാനസത്തി
നിത്തിരിയാശ്വാസമായ്
നില്ക്കും
പൂവേ...
നീയെത്രമേൽ ധന്യവതി...
പ്രപഞ്ചത്തിനുൽസവമായുള്ള
നിഷ്കളങ്കരാം
കുഞ്ഞുങ്ങളെപ്പോൽ
പൂവേ..
നീയേകുന്നു,
ചിദാനന്ദമെത്രമെൽ..
വിടരുന്നു, കൊഴിയുന്നൂ, ചെറു-
ദിനങ്ങളാലെങ്കിലും
പൂവേ
നീയേകിയതെത്രയോ സുഗന്ധവും
നയനാന്ദമാം കുളിർ-
കാഴ്ചയും...!!
കൊതിക്കുന്നൂ
നിന്നെപ്പോലൊരു ജന്മം
അൽപ്പ-
മാത്രയാണെങ്കിലും,
പൂവേ,..ഒന്നും-
മോഹിച്ചിടാതെ, യന്യനു
നീ പകർന്നേകിടും
പുണ്യങ്ങളോർക്കുകിൽ...!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ